Массажды ұйымдастыру және оған қойылатын талаптар

Қазіргі таңда массаж жеке дара емдеу әдісі ретінде танымал. Массаждың мақсаты ауруға шалдыққан немесе жарақатқа ұшыраған организм ағзаларының қызметін қалпына келтіру, науқасты оңалту болып табылады.

Массаж бөлмесінде емдік процесті ұйымдастыру
Массаж жасаудың тиімділігі бірқатар жағдайларға байланысты, соның ішінде массаж жасайтын бөлменің техникалық жабдықталуы, бөлменің жалпы жағдайы, массаж жасаушы адамның дайындығы, науқас организмінің функциялық жағдайы мен сырқатының ауырлығы, сонымен қатар емшараның ұзақтығы.

Массаж бөлмесінің жабдықталуы:

Жабдықталуы: Осы кабинада массаж жасайтын үстелді массаж жасаушы жан жағынан келе алатындай етіп орналастырады. Кабинадағы ағаш үстелдің көлемі: биіктігі 70-80 см, ені 50-65см, ұзындығы 180-190см.
Үстел үсті дермантинмен қапталған, үстелде маңдай тіреуге арналған жастықшасы бар , қозғалмалы корнштейнмен жабдықталады.

Диаметрі 20 см, ұзындығы 50-60 см болатын аяқты қоюға арналған білікше жастықшалар (валик) қажет. Олар аяқты орта физиологиялық жағдайда орналастырғанда қолданылады. Мысалы, науқас етпетінен жатса білікшені сирақ табан буыны астына, ал шалқасынан жатқан науқастың тізесінің астына орналастырады.

Массаж кезінде үстелді ақ жаймамен науқас денесін жабады.

Сонымен қатар бөлмеге бұрандалы орындықтар, аяққа арналған орындықтар, ақ жайма, халат , орамал, массажға арналған құралдарды сақтауға арналған шкаф қойылады.

Дәрі дәрмектер салынған қобдишаның болуы қажет онда мақта мата , йодтың спиртті ерітіндісі, брилиантты жасыл ерітінді, лейкопластрь, камфора валерианды тамшылар, майлар, себетін ұнтақтар, термометр, тальк, балалар жақпасы сақталады.