Әлеуметтік міндетті медициналық сақтандыруды енгізу кезінде өндірістерде жұмыс атқаратын репродуктивті жастағы әйелдер

Мәселенің өзектілігі:
SANTO өндірісінде еңбек етушілердің 90 пайызын әйелдер құрайды. Өндіріс орнында соңғы жылдарда жаңа технологиялық жүйелер мен механизмдер, автоматты жүйелер енгізілді. Мемлекетімізде және әлемдік ортада бұл өндірістің өнімдеріне, сапасына, көлеміне сұраныс үнемі артып, жоғары талаптар қойылып отырады.
Бұл өндірістегі негізгі кәсіби қимылдар дененің қоршаған ортадағы тұрақтылығын нашарлатып, тірек қимыл аппараттарына қуатты қысым түсіреді.
Ал өндірістік ортаның әр түрлі химиялық заттардан тұратын майда тозаңдармен ластануы, адам денесіне осы тозаңдардың әртүрлі жолдармен түсуі жалпы ағзаның улануына алып келетіні белгілі.
Сондықтан осы өндірістегі еңбек ету жағдайын жан-жақты тексеріп, адам денсаулығына зиянды әсерін тигізетін себептердің әйелдердің өзіндік қызметіне, жалпы аурушаңдығына қосатын үлесін кешенді түрде зерттеп баға беру бүгінгі күннің мәселесіне айналып отыр.

Жұмыстың алдына қойған мақсаты:
SANTO өндірісінде қызмет атқаратын әйелдердің кәсіби-өндірістік, әлеуметтік-медициналық сипатына негізделген топтарды құрастыру және алдын-алу шараларының тиімділігін арттыру.

Мақсатты жүзеге асыру үшін алдымызға қойылған міндеттер:
1) Шымкент SANTO өндірісінде қалыптасқан еңбек ету жағдайына және негізгі кәсіптерде жұмыс атқаратын әйелдердің еңбегіне мінездеме беру.
2) Әйелдердің аурушаңдығы мен өндірістік себептер арасындағы байланыс тығыздығын анықтау.
3) Әлеуметтік-гигиеналық және медициналық-санитарлық себептердің жұмысшы әйелдер денсаулығына тигізетін әсерін бағалау.

Тәжірибелік маңызы:
Алынған ғылыми нәтижелер кәсіптік және өндірістік себептерге тәуелді аурулардың алдын- алу шараларын белсенді ұйымдастыруға жағдай туғызады сонымен қатар алдын-ала жүргізілетін медициналық тексеру жұмыстарының сапасын арттырады.