Медициналық қызметтерді көрсету, дәрілік заттар, медициналық мақсаттағы бұйымдар

Жоспар:
1.Көрсетілетін медициналық қызметтер арасындағы тәуекел.
2.Көрсетілетін медициналық қызметтердің сапасын бағалау индикаторлары.
3.Тексерілетін субьектілер.
4.Тәуекел топтары:жоғары,орташа және болмашы тәуекел дәрежелері.
5.Қорытынды.

Көрсетілетін медициналық қызметтер саласындағы тәуекел – пациенттің денсаулығы немесе өмірі үшін оның салдарының ауыртпалығын ескере отырып сапасыз медициналық қызмет көрсету нәтижесінен туындайтын жағымсыз аяқталулардың мүмкіндігі.

Құрылым индикаторлары - адам, қаржы және техникалық ресурстармен қамтамасыз етілу өлшемдері;
Процесс индикаторлары - алдын алу, диагностика, емдеу және оңалту технологияларының орындалуын бағалау өлшемдері;
Медициналық қызмет нәтижесінің индикаторлары - медициналық ұйымдардың немесе жеке тұлғалардың медициналық көмекті көрсетуі немесе көрсетпеуі нәтижесінде денсаулыққа келтірілген зардаптарды бағалау өлшемдері;
Медициналық қызметтің сапа индикаторлары - медициналық қызметтің тиімділігі, толықтығы және медициналық қызметтің денсаулық сақтау саласындағы стандарттарға сәйкестік көрсеткіші көрсетілетін, мыналарды қамтитын өлшемдер:

Тексерілетін субъектілер - қызметіне бақылау және қадағалау жүзеге асырылатын жеке тұлғалар, заңды тұлғалар, оның ішінде мемлекеттік органдар, заңды тұлғалардың филиалдары мен өкілдіктері.

13-бап. Тәуекелдерді бағалау жүйесі
Мемлекеттік органдар тексерілетін субъектілерді тәуекел дәрежесіне қарай жоғары, орташа не болмашы тәуекел топтарына жатқызады және олар үшін жоспарлы тексерулер жүргізудің:
жоғары тәуекел дәрежесі кезінде - жылына бір реттен;
орташа тәуекел дәрежесі кезінде - үш жылда бір реттен;
болмашы тәуекел дәрежесі кезінде - бес жылда бір реттен жиі емес кезеңділігін айқындайды.

Тексерілетін субъектілерді тәуекел дәрежелері бойынша бөлу салдарлардың ауырлығы тұрғысынан субъектінің маңыздылығы, осы Заңның 5-бабына сәйкес Қазақстан Республикасының заңнамасында белгіленген талаптарды бұзушылықтардың салалық статистикасы, сондай-ақ жоспардан тыс тексерулердің нәтижелері ескеріле отырып жүзеге асырылады.