Уран гексафториді

Уран гексафториді- уран қосылыстарының ішіндегі ең ерекшесі. UF6- жалғыз жеңіл ұшқыш қосылыс. Оны бөлме температурасында газ тәрізді күйде алады. Бұл газды диффузияның технологиялық үрдісін және уран-235 пен уран-238 изотоптарын әртүрлі физиқалық әдістермен бөлу үрдістерін жүзеге асыру үшін маңызы зор.

Уран гексафторидін алғаш рет 1880 ж. Дитте ашты. Алғаш зерттеулерді 1909ж. Руфф пен Хайнцельман жүргізді, бірақ олардың нәтижелері кейіннен дәлелденбей қалды. Қазіргі кезде уран гексафтоидінің физика-химиялық қасиеттері кеңестік және америкалық зерттеушілермен толық қарастырылған.

Уран гексафторидінің физикалық қасиеттері.
Уран гексафториді- қатты, түссіз кристалды зат, ауада ақ түтінді газ түзеді. 56,5 С температурада уран гексафториді буының қатты өнім устіндегі қысымы 760 мм сынап бағанасына тең. Бұл қайнаған гексафторидтің температурасы. Уран гексафториді жоғары қысымда балқиды, яғни түссіз, 3,63 г/см3 тығыздықта сұйық ерітіндіге айналады.

Уран гексафторидінің химиялық қасиеттері.
Уран гексафториді өте реакцияға қабілетті, басқа заттармен реакцияға тез тусетін зат.
Сумен өте қарқынды әрекеттеседі:
UF6 + 2H2O = UO2F2 + 4HF
Сондықтан ол ауада қатты түтінденеді. Уран гексафториді барлық металдармен әрекеттесе отырып, олырдың беткі жағында мықты фторидті қабықша түзеді. Бұл Fe, Сu, Ni металдары.

Уран гексафториді атомдық өнеркәсіпте кеңінен қолданылады. Сонымен қатар уран гексафториді газды фазалы реакторларда ядерлік отын ретінде де қолданылады.
Уран изотоптарын уран-235 және уран-238 бөлуде де уран гексафторидінің алатын орны ерекше, ол қалыпты температурада газ тәрізді күйде болатын жалғыз уран құрамды зат.

Уран гексофторидін алудың 4 тәсілі бар.
1. Әртүрлі уран қосылыстарын элементарлы фтормен өңдеу.
2. Уран пентафторидін диспропорциялау.
3. Уран тетрафтоидін оттегі атмосферасында қыздыру.
4. Сұйық немесе газ тәрізді фтордың голоидты туындыларын қолдану, мысалы хлор ушфториді ClF3 немесе бром үшфториді BrF3.