Тамақтандыру бағдарламасы. Бжаыж бағдарламасы бойынша 1ден 5жасқа дейінгі балалардың тамақтану рационын құру бойынша ұсыныстар

БАЛАНЫҢ ДЕНІ САУ НЕ АУЫРҒАНДАҒЫ КҮТІМІ, ТАМАҚТАНДЫРУЫ ТУРАЛЫ НҰСҚАУЛАР

БАЛАНЫ ТАМАҚТАНДЫРУДА БӨТЕЛКЕНІ ПАЙДАЛАНУ
Баланы тамақтандыруда бөтелкені пайдалану тиімді емес, себебі онда бактерия даму қаупі жоғары. Бөтелкеде сұйықтық қалып қойып қойса тез бұзылып баланы ауруға шалдықтыру мүмкін.

БАЛАНЫ КЕСЕДЕН ТАМАҚТАНДЫРУ
Баланы бөтелкеден тамақтандыруға қарағанда кеседен тамақтандырған тиімді, себебі кесені тазалықта ұстаған ыңғайлы, әрі ол омыраумен емізгенге кедергі келтірмейді. Баланы кеседен тамақтандыру үшін:
Бала анасының алдын жартылай не толық отыру керек;
Кесені баланың аузына апарып, ішіндегі сұйықтықты баланың ерніне тигіземіз;
Бала активтілік танытып аузы мен көзін ашады;
Салма жеткіліксіздігі бар балалар туылғанда сүтті ауызға тілі арқылы жинайды;
Уақыты жетіп туылған немесе жасы үлкен балалар кесені көтеріп, сүтті сорып ішеді.
Сүтті баланың аузына құюға болмайды, бала тойғанда өзі аузын жауып тойғанын білдіреді.

БАЛАҒА АКТИВТІ ТҮРДЕ ТАҒАМ ҰСЫНУ
Балаға активті түрде тағам ұсынып отыру керек, әрі оған тамақтануға көмек көрсету.Бұл өте маңызды, әсіресе балада салмақ жеткілксіздігі болса. Егер бала өзі тамақтанатын болса не ол аға-апкелерімен бір ыдыстан тамақ бөлісіп жеу керек болса, онда бала дұрыс тамақтанбауы мүмкін. Анасына баланы кім және қалай тамақтандырады деген сұрақтар арқылы толығырақ ақпарат жинауға болады.

ЕГЕР БАЛАНЫ АКТИВТІ ТАМАҚТАНДЫРМАСА:
Анасы баласымен бірге отырып, оны тамақ ішуге ынталандыру қажет екенін түсіндіреміз. Балаға тамақты қажетті мөлшерде, бөлек ыдысқа салып беру қажет.

БАЛАНЫ АУЫРҒАН КЕЗДЕ ЖЕТКІЛІКТІ ТАМАҚТАНДЫРУ
Бала ауырған уақытта мазасызданып тамақты аз жеуі не күнделікті асты жегісі келмеуі мүмкін. Бұған қарамастан балаға активті түрде тамақ ұсынып отыру керек. Егер баланың сүйікті тағамы болса және ол ауруын өршітпейтін болса, онда балаға беруге әрине болады. Тамақты жиі аз-аздан ұсыну қажет. Бұл бала ауырған кезде де, жазылғанда да салмақ жоғалтпауына септігін тигізеді.

АНАСЫНА БАЛАНЫ ТАМАҚТАНДЫРУ ТУРАЛЫ ҰСЫНЫСТАР БЕРУ
Ұсыныстар беру кезінде:
Сұрақтар қою және ананың жауаптарын мұқият тыңдау;
Анасын мақтап отыру керек;
Анасына қажетті кеңес беру, артық мәлімет беруден аулақ болу;
Берілген кеңестерді анасынан қайта сұрап түсінгеніне көз жеткізу.