Біздің балабақшаға қош келдіңіздер

Біздің балабақшаға қош келдіңіздер

Күлімдеген күн нұрындай
Тәрбиеші анамыздай
Білім менен тәрбиенің
Ордасына айналғандай
Бақшамыздың мақтанышы
Биік ұстар ар намысты-
Біз балдырған ұландармыз
Шырқайтұғын ән мен жырды

Ережені білеміз,
Көшеде еркін жүреміз
Біздің ұран осындай,
Сіздерге айтып береміз
Біз бақшаға барамыз
Оқу білім аламыз.
Тәрбиешінің айтқанын
Есте сақтап аламыз.

Балабақша есігін
Үшке тола ашқанбыз
Балапандай мәпелеп
Өсіреді біздерді

Балабақшам базарлы үй
Қаладағы ажарлы үй
Күлкісі бар шуақты
Өз үйіміз сияқты

Біз кішкентай бүлдіршінбіз
Бақыт сыйлар ұл мен қызбыз
Қуанышты көңіл сыйлар
Мерекеге қош келдіңіз
Бақшамыз бар таң қалдырар
Өнерімен тамсандырар
Бүлдіршінбіз жан шуақты
Ән мен жырдан нәр алдырар