Кандида, аспергилла, пенициллиум, зигомицета, пневмоциста. Түсініктемелері. Эпидемиология негіздері.Микробиологиялық диагноз кою
Жоспар I.Кіріспе ІI.Негізгі бөлім 1.Кандида,Аспергилла, пенициллиум. 2.Зигомицета, фузария, пневмоциста. 3.Диагностикасы мен клиникасы 4.Емі мен алдын алу ІІI.Қорытынды IV.Пайдаланылған әдебиеттер тізімі КАНДИДОЗ, кандидамикоз (лат. сandіda – ашытқы, грек. mykes – саңырауқұлақ) – ашытқы тәрізді саңырауқұлақтармен қоздырылатын терінің, шырышты қабаттың, ішкі органдардың жұқпалы ауруы. Жер шарында кең тараған, әсіресе, тропиктік және субтропиктік аймақтарда жиі кездеседі. Аурудың қоздырғыштары теріні зақымдап, органдардың ішкі шырышты қабаттарында (ауыздың, өңештің, ішектің, әйелдің жыныс мүшелерінің, т.б.) өніп көбейеді.
Кондидоздың дамуына иммунитеттің төмендеуі, эндокринопатия, гиповитаминоз, организмде зат алмасудың бұзылуы (мыс., диабет ауруы), гигиена ережелерін сақтамау (маникюр жасатқанда, т.б.), дисбактериозға алып келетін кейбір дәрілерді (антибиотиктерді, кортикостероидтарды) шамадан тыс, орынсыз пайдалану т.б. әсер етеді.
Ашытқы саңырауқұлақтарын тасымалдаушылар мен Кондидозбен ауыратын науқас адамдар инфекция көзі болып есептеледі. Кондидоз негізінен, тікелей жанасу арқылы жұғады. Ластанған жеміс-жидек, көкөніс арқылы да жұғуы мүмкін. Кондидоздың созылмалы гранулематозды, висцералды және аллергиялық түрлері ажыратылады.