Нәрестені емшек сүтімен емізу. Лактация

Омыраумен немесе табиғи жолмен емізу — жаңа туылған адамның тамақтану формасы, жаңа туылған және еметін баланың физиологиялық адекватты тамақтануының жалғыз формасы.

Омыраумен ғана емізу:
Омыраумен ғана емізу - басқа да қосымша тамақтарды немесе сусындарды, соның ішінде суды да қолданбайтын емізу түрі (дәрілік немесе дәрумендік және минералды заттардан басқа; сауылған сүт беру кіреді).

Жасанды тамақтандыру:
Жасанды тамақтандыру – баланы жасанды қоспалармен, омыраумен емізбей тамақтандыру.

Жартылай омыраумен емізу:
Жартылай омыраумен емізу- баланы омыраумен де, жасанды қоспамен де, не сүтпен, не ботқамен немесе тамақпен тамақтандыру.

Уыз – бала туылғаннан кейін алғашқы күндері өндірілетін,жетілген сүт өндірілгенге дейін баланың ағзасына қажетті барлық элементтермен қамтамасыз етеді.
•Уызда ақуыздар көбірек, гуморалды иммунитет факторларына бай
•Уыз ішек жұмысын жақсартады
•Уызда сонымен қатар өсу факторы бар, баланың дамымаған ішектерін дамытады
•дәруменді құрамы жетілген сүтке қарағанда ерекшеленеді, бұнда А дәрумені көп.

Жетілген сүт – босанғаннан кейін бірнеше күннен кейін ғана өндерелетін сүт. Бұл кезде сүт көп мөлшерде өндіріліп, сүт безі қатты, ауыр болады.
“Алдыңғы” сүт – емізудің басында сүттің түсі көкшіл болады, онда көптеген ақуыздар және лактоза болады.
“Артқы” сүт – емізудің соңында қанық ақ түс болады. Осында май көп болады, энергетикалық құнарлығы жоғары.

Омыраумен емізу кезеңдері
• Дайындық – омыраумен емізуге болашақ ананың психологиялық дайындалуы
• Екі жақты белсендіру кезеңі – босанғаннан кейін омырауға салғаннан бастап сүттің жеткілікті өндірілуі 3-5 күнге дейінгі кезең
• Адаптационды кезең – тұрақсыз режимнан тұрақты ему кезеңіне дейінгі
• Негізгі кезең – тұрақты немесе үдемелі интервалды тамақтандыру. Баланың тұрақты салмақ қосуы.