Жұмсақ тіндердің жарақаты

Жұмсақ тіндердің жарақатына соққы, қысылу, созылу, жыртылу және жаралар жатады.
Соққы – тура механикалық әсер есебінен пайда болған тіндер мен ағзалардың бүтіндігі бұзылмай жабық жарақаттануы.

Соққы аймағында теріішілік, теріастылық, фасция асты қанқұйылулар пайда болса, сол аймақтағы қантамырлар, нервтердің және бұлшықеттердің жаншылуына әкелуі мүмкін.
Зақымданған аймақта ауырсыну, ісіну, қанқұйылу, қызметінің бұзылуы байқалады. Қанқұйылу 2-3 күнде үлкен өлшемдерге жетеді, кейін түсі өзгере бастайды, көк түстен жасылдау кейін сарғыш түс.

Қысылу – жарақаттаушы күштің ұзақ әсерінен қысылған тіндерде дистрофиялық өзгерістер пайда болады. Тез арада ісіну, кейін ыдырау өнімдерінің есебінен ағза интоксикациясы (жарақатты токсикоз) дамиды.
Клиникасында: ісіну, ауырсыну, қанқұйылу, сәйкес тамырларда тромбоз және нервтерде парез, паралич дамуы мүмкін.
Емінде аяқ – қолды жаншудан босату, эластикалық танғыш слу, жергілікті суық басу, иммобилизация, қысылған жерден жоғары циркуляторлы новокаинді блокада .

Буындар байламдарының зақымдануы бөлшекті және толық болуы мүмкін. Жиі сирақ-табан, саусақаралық, білезік және тізе буындары зақымданады.